Rognebærmøllen kan vere ein alvorleg skadegjerar i eple, men berre i dei åra det ikkje er nok eggleggingsstader i rognebær. Rognebærmøll klekker frå overvintrande pupper på våren, og for å vurdere om det er fare for angrep må ein både vite kor mykje rognebær det er i høve til rognebærmøll, og når rognebærmøllen er klar for å leggje egg.
Prognose for angrep vert rekna ut for meir enn 50 stasjonar fordelt på alle fruktdistrikt (sjå kart). Varslinga av rognebærmøll er eit samarbeid mellom lokale rådgjevarar i fruktdistrikta og NIBIO.
Fordi utviklinga til rognebærmøll er avhengig av temperatur, kan utviklingsfarten og tidspunkt for tiltak variere mellom ulike distrikt. For å vurdere tidspunktet må du ha notert når rogna sto i full blom og rekne ut varmesum etter det.
Du kan lese meir om rognebærmøll i Plantevernleksikonet og meir om varslingsmodellen her.
Generelle meldingar om prognose, utvikling og tiltak finn du her.